تبييض الاسنان

في هذا الموضوع سوف نستعرض ما هو تبيض الاسنان والي هوة موضة العصر والي كل النجوم والممثلين بيعملوة وبيدفعو الالفات عشان يوصلو لدرجة اللون دي .... متستغربش اة الالفات بتدفع عشان يعملو موضوع التبيض ...

ابل ما اتكلم عن التبيض انا حتكلم عن المشكلة الي عشنها بنعمل التبيض وهية طبعا الصبغة
يعني ببساطة احنا بنعمل التبيض عشان نزيل الصبغة الي موجودة علي الاسنان ثانيا عشان نفتح لون الاسنان عدة درجات فتصبح بيضاء ناصعة بتنور في الضلمة هههههههههههه

اية اسباب الصبغة؟
الشاي السادة - القهوة ---- السبب الاكثر اهمية والاكثر ضرر التدخين مش بس بيعمل صبغة علي الاسنان دة بيعمل صبغة علي اللسان كمان- التقدم في العمر يعطي صبغة علي الاسنان - بعض الادوية مثل مضاد حيوي اسمو تتراسيكلن بيعمل صبغة علي الاسنان - شرب المياة التي بها فلوريد كثير بيعمل صبغة علي الاسنان دي بتبئة موجودة في الواحات ومطروح وهذة الاماكن ديما تلاقي عند الناس الي عايشين في هذة الاماكن خط من الصبغة نتيجة ارتفاع نسبة الفلوريد في مياة الشرب

ملحوظة يجب ان تقرا موضوع الجير عشان تعرف الفرق بين الجير والصبغو وايضا العلاج مختلف
وخطوات العلاج كلتالي الاول بنشيل الجير وبنعالج اللثة بعد كدا بنشيل الصبغة ونعمل تبيض للاسنان


دي صور بتورينا اشكال الصبغة

دي صبغة نتيجة استخدام المضاد الحيوي تتراسيكلن


ودي صورتين الي فوء صبغة نتيجة تقدم السن والي تحت نتيجة التدخين ونشوف الجمال بئة بعد ما عملنا العلاج وازالة الصبغة


ودي صورة تبين الشكل ودرجة اللون قبل وبعد عملية التبيض





ما انواع الصبغة؟
الصبغة لها نوعان
صبغة خارجية اي خاج طبقات الاسنان بلبدي كدا علي الوش
وصبغة داخلية اي متخللة طبقات الاسنان يعني من داخل طبقات السنة

طب اية الفرق يا عم الحج .... الفرق ان الصبغة الخارجية دي سهل ازالتها جدا باستخدام ادوات معينة وعجينة معينة بيتم ازالة هذة الصبغة
اما الصبغة الداخلية فدي متخللة في طبقات السنة وصعب ازالتها الا بطرق معينة واساليب معينة
طب مين الي بيحدد نوع الصبغة دي ؟ الدكتور طبعا وهوة الي بيحدد الطريقة الانسب في التبيض


طيب يبئة كدا احنا عرفنا الصبغة اية وانوعها وبتيجي من اية طب اية العلاج يا دكتور؟
العلاج اننا نشيل الصبغة دي اي كانت خارجية ام داخلية polishing
ثانيا نعمل التبيض الي هوة حلم اي شب واي فتاة تبئة اسنانهوم مثل النجوم بس حتعد يا فالح فلوس كتير teeth bleaching

طب يبة احنا كدا فهمنا ان فية فرق بين اني اشيل الصبغة وارجع اسناني للون الي اتولدت بيها علية
واني افتح درجة اللون نفسها يعني اغير من لون اسناني الي اتولدت بيها وهوة دة التبيض يعني فية فرق بين البولشنج والبلتشنج
من السهل اوي اننا نشيل الصبغة ومش حتدفع كتير عند الدكتور طبعا من ضمن الاجهزة الي بتشيل الصبغة جهاز ازالة الجير الي عرضت صورتو في موضوع الجير ..... لكن لو حبيت تبئة زي النجوم وتعمل زي ما النجوم بيعملو وتفتح درجة لون الاسنان بتعتك يبئة مئدمكش الا التبيض وطبعا حتعد كاشات كتيررر

تعالي بئة نشوف التبيض دة بيتعمل ازاي وفية مفجئة انا محضرهلكوم بس حئولها في الاخر


اولا عشان نبئة متفقين لازم نشيل الجير+ الصبغة بعد كدا نبدا في النقطة الثانية وهية التبيض
ثانيا : التبيض

التبيض نوعين
1. home bleaching يعني بيتعمل في البيت وسعدتك اعد في بيتك حتئولي ازاي
الاول بتروح للدكتور وتسلم علية وتئولو انا عايز ابيض سناني حيئولك بسهولة كدا ويضحك ههههههههه
طبعا هوة بيضحك عشان الموضوع انتا فاكرو بيتعمل في منت لكن هوة عدت خطوات عشان تبئة نجم سيما وسنانك زي اسنان مهند ههههههههه
الاول حيعملك تنضيف للجير لو احتاج الامر لذالك وعلاج للثة بعد كدا حيشيل الصبغة ثانيا حيعمل التبيض
احنا ئولنا ان التبيض نوعين
الاول الي بيتعمل في البيت : حيبدا الدكتور ياخدلك مقاس لاسنانك كلها ويودي المقاس دة المعمل عشان يجبلو اصطنبة علي شكل اسنانك بلظبط
الاسطنبة دي الي لونها شفاف في الصورة ... بيتحت في الاسطنبة دي مواد زي الجيل الي هية لونها ازرق في الصورة وبتلبس الاسطنبة دي بليل ابل ما تنام وتشلها الصبح لمدة اسبوع الي اسبوعين حسب درجة اللون الي انتا عايزها
طبعا المادة الي زي الجيل دي بتتخلل طبقات الاسنان وبتغير من درجة لون الاسنان
وبتبئة متابع مع الدكتور عشان يوريك الفرق في درجة اللون قبل وبعد التبيض وتعرف انتا وصلت لفين وهل بئيت زي مهند ولة لسة ههههههههههههه




2. الاوفيس بليتشنج office bleaching ودة الي بيتعمل في العيادة بتاعت الدكتور مش بتحتاج لاستناط او اي شيء الدكتور هوة الي بيعملك كل حاجة وانتا اعد علي الكرسي بس دة بيكون اغلي بكثيررررر جدا عن النوع الاول لانك بتدخل العيادة سنانك لون تطلع منها في نفس اليوم سنانك لون تاني علي عكس الطريقة الاولي بتعد اسبوعين عشان يتغير درجة اللون تدريجي بس هية طريقة كويسة بردك

وفي الطريقة دي بئة الدكتور بيستخدم مواض شديدة الخطورة يعني احماض بتركيز عالي جدا وبلتالي بيبئة ليها احتياطات كتير وبنحمي اللثة بغطاء معين وتوضع هذة المواد علي الاسنان المراد تبيضها وبيلبس المريض نظارة والدكتور ايضا عشان الاحماض الجمدة دي وبيتم تسليط دوء ازرق عالي الشدة علي الاسنان المراض تبيضها وبنلاحظ الفرق يعد الانتهاء من الجلسة فورا يعني بتبئة مهند في دقائق معدودة ابسط يا عم بس حتعد كاشات كتير هههههههههه

ودي صورة للاوفس بلتشنج وانا شرحت ازاي بتم العملية دي بلتفصيل


هوة دة يا جماعة موضوع التبيض الي كان حولية تسائولات كتير ازاي ويعني اية واعتقد انك مش حتلاقي شرح يبينلك الموضوع دة في اي مكان زي موقعنا الجيل العربي دة مش استعلاء حاش لله ولكن احقاقا للحق هذا من حصريات الجيل العربي والحمد لله

تعالي بئة نشوف بعض الحالات قبل عملية التبيض وبعدها ونشوف الجمال بئة







ها بتفكر انتا كمان ولة اية هههههههه

ما هو تسوس الاسنان وكيفية الوقاية

تسوس الاسنان هوا مرض ليس لة سبب محدد او معين بعينة الي حد الان فيطلق علية احيانا سرطان الاسنان لانة غير معروف السبب الي حد الان لكن اثبتت الدراسات ان هناك اشياء تساعد علي حدوث تسوس الاسنان ومن ضمن هذة الاشياء:
1. اكل الكربوهيدرات بكثرة مثل المكرونات والارز وايضا السكريات .
2. العادات السيئة مثل الاكل والنوم وعدم غسيل الاسنان .
3. عدم الاهتمام بغسيل الاسنان بوجة عام .

كل هذة الاشياء قد تساعد علي حدوث التسوس

بعض الاشخاص من الطريف بيفتكر ان تسوس الاسنان دة عبارة عن سوسة بتاكل في السنة ههههههه

دة طبعا كلام خاطئ جدااا التسوس عبارة عن تاكل في طبقات الاسنان بسبب الحمض الذي ينتج من بكتريا التسوس والبكتريا دي بتنشط لما بيكون في الفم بقايا اكل وتنام من غير ما تغسل سنانك طبعا دة بيخلي البكتريا دي بتنشط وتفرز الحمض دة الذي يؤدي الي تاكل في طبقات الاسنان.

صور لتسوس الاسنان عشان الناس تعرف شكل التسوس واي حد ظهر عندو بدايات التسوس يجري علي الدكتور طبعا عشان يحشي السنة في بدايتو لانو لو اهمل التسوس دة بيزيد ويوصل لعصب السنة ووئتها يبئة يعيط بئة ويندم يوم لا ينفع الندم ....
يعني كل ما لحقت الموضوع في البداية كل ما كان افضل طبعااااااااا علي فكرة مش شرط تحس بالم عشان نئول انك عندك تسوس ممكن يكون مستوي الاحساس بلالم عندك عالي يعني ممكن يكون عندك تسوس ومش حاسس باي الم وتبتدي تحس بية لما يوصل للعصب ناس كتير كدا وفية ناس بتحس بلالم اول ما يحدث اي تسوس بسيط يعني الموضوع مختلف من شخص الي اخر.






ودية بئة لو طنشت وسبت التسوس يكبر ومرحتش للدكتور اول ما ظهر التسوس حيسوء الوضع طبعاا ويوصل للمرحلة دي




طب كدا احنا عرفنا يعني اية تسوس وشكلو اية واسبابو طب ازاي بئة نحمي نفسنا من هذا المرض اللعين لان الحماية من هذا المرض شئ مهم قبل ان يحدث وهناك دراسات عديدة ازاي نحمي نفسنا من تسوس الاسنان وتتمثل في اشياء عديدة منهاااا

1. طريقة الاكل نفسها لازم نغير من سلوك الاكل بتعناااا يعني متكولش كربوهيدرات كتير زي الارز والمكرونات ..... بعد ما تاكل اي سكريات او كربوهيدرات لازم تغسل سنانك ...... دائما لازم تختم الاكل بتاعك بجزرة او خيارة او خس او جرجير لان الحجات دي بتعمل غسيل طبيعي لبقايا الاكل يعني لازم تختم الاكل بتاعك بحاجة من الحجات دي حئولك علي حاجة حتستغرب زمان كانو بيكلو ديما جنب الاكل الفجل والخس والجرجير وكانو ميعرفوش يعني اية غسيل اسنان اصلا ومكنش بيجلهوم تسوس دة عشان طبيعة الاكل .....يبئة الدراسات الت انك لو ختمت الاكل بتاعك بجزرة او خيارة او خس او جرجير دة بيقلل من حدوث التسوس ودة موضوع مهم جدااا وقليل الي يعرفو.


2. تاني اهم شيء انك تخلي غسيل الاسنان دة عادة عندك زي غسيل الوجة اول ما تصحي من النوم حتئولي ازاي اغسل سناني حئولك ارجع لموضوع كيف تغسل اسنانك بلطريقة الصحيحة في المواضيع بتعتي .....طب اد امتي نغسل اسنانا اهم اهم اهم شيء ابل ما تنام وبعد الغداء يعني مرتين في اليوم بس مش طالب منك اكثر من هذا ؟



3. طبعا هناك اشياء ممكن تعملها للطفل الصغير اسمها fissure sealent دي عشان تحمي اسنان ابنك الصغير وهوة صغير ودي بتتعمل في العيادات ودي مادة بتتحط علي الاماكن الي بتحدث فيها التسوس علي الاسنان بتمنع حدوث التسوس او بمعني اصح بتقلل من حدوث التسوس عند طفلك الصغير

المادة الابيض الفاتح دي هية الي بتحمي من حدوث التسوس

الجير ماهو , كيف يتكون , ما الاضرار , ما العلاج؟

من ضمن المواضيع الهامة جدا في طب الاسنان وهو صحة اللثة وهو يعتبر علم كامل يهتم بصحة اللثة واربطة الاسنان ويسمي periodontology وعشان نقدر نوصل للثة الصحية الي كلنا بنحلم بيها لازم نعرف اية الي ممكن يخلي اللثة بتعتنا مريضة عشان نمنع هذا الشيء ؟؟ الاجابة علي هذا السوءال في كلمة واحد وهوة دة موضوع النهاردة ((( الجير- calculus)))

ما هو الجير او مما يتركب ؟

الجير عبارة عن بقايا الطعام + المعادن التي توجد في الريق + بكتريا = الجير وهوة مادة جيرية مثل الحجر الجيري يكون لونها اصفر غامق يترسب علي الاسنان ويؤدي الي امراض عديدة.


اين يوجد الجير؟

يوجد بنسبة 80 % في المنطقة الامامية للفك السفلي من جة اللسان وايضا في الفك العلوي في منطقة الضروس الخلفية , وهذا لوجود الغدد اللعابية التي تفرز اللعاب في هذة الاماكن والذي يحتوي علي المكعادن التي تدخل في تكوين الجير وهذا هو السبب في تركيز الجير في هذة الاماكن من الفم

صور توضح شكل الجير واماكن تواجدة والاضرار التي يسببها في اللثة

الصورة دي بتبين اد اية اللثة تاثرت بلجير وتكونت جيوب بكتيرية في هذة اللثة نظرا للاهمال المريض حالتة وعدم الذهاب الي الطبيب من البداية





ما هي الاضرار الناتجة من وجود الجير علي الاسنان فترة طويلة؟
1. التهابات اللثة والذي يتطور الي جيوب بكترية في اللثة من الداخل .
2. تدمير اربطة الاسنان مما يوءدي الي حركة الاسنان وسقوطها فيما بعد.
3. نزيف دم فاسد يكون اثناء غسيل الاسنان واثناء اكل الاشياء الناشفة مثل الجزر التفاح.
4. رائحة الفم الكريهة والتي يكون مصدرها الاساسي الطبقة الجيرية البكتيرية.



ما الحل يا دكتور؟

احنا كدا عرفنا سبب المشكلة يبئة لو شلنا سبب المشكلة( الجير ) المشكلة حتتحل ان شاء الله
طب ازاي نشيل هذا الجير ..... في ناس كتير فاكرة ان الفرشاة والمعجون ممكن يشيلو الجير او التسوس ودة اعتقاد خاطيء مية في المية لان الفرشاة والمعجون بيمنعو تكوين الجير او التسوس لكن مش بيشيلوة وفي فرق كبيرررر جدا بين يمنع ويشيل

طب يا دكتور احنا عايزين نشيل الجير دة نعمل اية

مفيش غير حل واحد طبيب الاسنان والاجهزة المخصصة لذالك هناك جهاز يسمي الكافترون ultrasonic scaler يستخدم في ازالة الجير وهذا هو شكلة





طب يا دكتور بعد ما نشيل الجير اية الي حيحصل الي حيحصل الاتي :

اللثة حترجع الي وضعها الطبيعي وكل الالتهابات الي فيها حتروح باذن الله والرائحة الكريهة حتروح وكلو حيبئة تمام .... بس السوءال هناااا الجير دة حيتكون تاني يا دكتورررر ؟
اسف مضطر اقولك اة حيتكون تاني بس في اد اية هية دي النقطة ممكن يتكون في 6 اشهور او سنة
او سنتين .... طب دة علي حسب اية يا دكتور ؟ دة علي حسب اهتمامنا بنظافة الاسنان اليومي واتباع النظام الي حئول علية دة يعني لو اتبعت هذا النظام باستمرار اوعدك ان الجير صعب اوي يتكون الا بعد فترة كبيرة جدااا يعني مش حتظورني في العيادة بخصوص الجير ان شاء الله الا بعد فترة كبيرة لو اتبعت هذا النظام..

ملحوظة هذا النظام وقائي للناس الي معندهاش جير وخايفة يتكون عندها جير وايضا للناس الي كان عندها جير وشالت الجير ومش عايزا الجير يتكون تاني

اولا: استخدام الفرشاة والمعجون بعد الغداء وقبل النوم مباشرة

ثانيا: استخدام هذة المضمضة يوميا (مرة في اليوم) فهي تمنع حدوث الجير مرة اخري بشكل كبير وتعطي الفم رائحة جميلة جدا وتظيل كثير من البكتريا lyso-plaque chlorohexidine mouth wash


ثالثا : استخدام خيط الاسنان كل يومين او ثلاث ايام ... لمعرفة ما هو خيط الاسنان نرجو الرجوع لموضوع كيف تغسل اسنانك بلطريقة الصحيحة

بعد اتباع هذة الطريقة اوعدك ان الجير صعب يتكون تاني الا بعد فترة كبيرة جدااا
وحتبئة اسنانك جميلة زي دي

keep your smile beautiful

الحكم النهائى فى قضية هشام طلعت مصطفى ومحسن السكرى....حصريا من ساعة واحدة بس

فى تمام الساعة التاسعة الوخمس اصدر المستشار محمدى قنصوة الحكم النهائى فى قضية المتهمان هشام طلعت مصطفى ومحسن السكرى بجريمة قتل الفنانة سوزان تميم باحالة اوراقهما الى فضيلة مفتى الديار المصرية فى ان يتم النطق بالحكم باعدامهما فى يوم 25/6 /2009.حيث كان يظهر على وجه القاضى الغضب الشديد من المتهمين وبعد ان نطق بالحكم غادر قاعة المحكمة وسط حماية مشددة وعمت الفوضى والصراخ فى قاعة المحكمة وبصعوبة بالغة استطاع الامن السيطرة على الموقف واخراج كلا المتهمان من قاعة المحكمة. جدير بالذكر ان هذا الحكم يعتبر تاريخى فى ساحات القضاء المصرى حيث ساوى القاضى بين المتهمين فى الحكم وذلك يدل على اقتناع المحكمة الكامل بقيام المتهم هشام طلعت مصطفى بالتخطيط والتسهيل والتمويل والتحريض على قتل الفنانة سوزان تميم وقيام المتهم الاخر بارتكاب فعل الجريمة مع سبق الاصرار والترصد .وبهذا الحكم يؤكد القضاء المصرى ان لا يوجد احد فوق القانون مهما كانت مكانه الاجتماعية او السياسية ..ويذكر ايضا من خلال اللقاءات خارج المحكمة ان الطبيب الذى اعد تقرير الطب الشرعى والتفصيلى عن الجريمة انه يتعارض تمام مع التقرير الذى قدمه الطبيب الشرعى الاماراتى مما يتيح فرصة اخرى اما المتهمين بالنقض فى القضية ولكن بعد اصدار الحكم فى 26/6القادم.كما ان عدم حضور محامى هشام طلعت مصطفى لغزا يصعب تفسيره فى حين ان محامى المتهم الاخر كان من الحاضرين فى قاعة المحكمة.الفنانة سوزان تميمبعد مقتلهانبذة عن حياة هشام طلعت مصطفىولد هشام طلعت مصطفى عام 1950 فى مدينة اسنا بمحافظة المنوفية.ورث عن ابيه شركة صغيرة تولى قيادتها حتى اصبحت من اكبر الشركات المتحصصة فى مجال المقاولات فى مصر وبل فى الشرق الاوسط .يعد هشام طلعت مصطفى كيانا اقتصاديا وسياسيا ضخما حيث انه عضو رئيسى فى مالحزب الوطنى الديمقراطى وعضو مجلس الشورى.تزوج هشام طلعت مصطفى اكثر من مرة وكانت من ضمن زوجاته الفنانة نورا (اخت بوسى) ولكن انتهت حياتهم الزوجية فى عام 1995.بعد اصدار هذا الحكم من التوقع حدوث انهيار لاسهم شركات هشام طلعت مصطفى مما قد يؤثر سلبا على البورصة المصرية.

وفاة حفيد الرئيس مبارك

وفاة حفيد الرئيس مبارك







نقلا عن BBCArabic.com
نشر تماما فى
2009/05/18
22:29:13 GMT

اقتباس أكد مراسل بي بي سي في القاهرة نبأ وفاة الحفيد الأكبر للرئيس المصري حسني مبارك. وكانت أنباء قد ترددت منذ يومين عن تعرض محمد علاء مبارك(13 عاما) لأزمة صحية حادة. وكان مقررا أن تصل حرم الرئيس المصري سوزان مبارك إلى لندن منذ يومين في زيارة لتسلم العضوية الشرفية في جمعية الأطباء الملكية البريطانية. وقال السفير المصري في لندن حاتم سيف النصر لمراسل وكالة أنباء الشرق الأوسط إنه تلقى تكليفا من قرينة الرئيس المصري بالاعتذار لقرينة رئيس وزراء بريطانيا والجمعية الملكية عن عدم تمكنها من المشاركة في حفل التكريم لاضطرارها للبقاء في مصر. ويذكر أن علاء هو النجل الأكبر للرئيس المصري وهو بعيد عن الحياة السياسية بخلاف شقيقه الأصغر جمال أمين لجنة السياسات بالحزب الوطني الديمقراطي الحاكم.

__________________

قالت صحيفة الشروق ان وزارة المالية تبحث المطالبة برفع أسعار البنزين الفاخر 92 و95 عقب انتهاء الدورة البرلمانية الحالية من أجل تعويض فارق العجز الكبير

قالت صحيفة الشروق ان وزارة المالية تبحث المطالبة برفع أسعار البنزين الفاخر 92 و95 عقب انتهاء الدورة البرلمانية الحالية من أجل تعويض فارق العجز الكبير فى الموزانة العامة، بعد إقرار رفع قيمة العلاوة الاجتماعية إلى 10% .

وقالت المصادر إن رفع أسعار بعض السلع خلال فصل الصيف سوف يسرى على أسعار السجائر، وهو ما سبق أن طالب به نواب فى جلسات مجلس الشعب الأخيرة التى تناولت بالتفصيل بنود الموازنة الجديدة لعام 2009 ــ 2010.

ومن المتوقع ثبات سعر البنزين 80 الذى يلبى احتياجات قطاع عريض من المستهلكين.

وكانت الحكومة قد استجابت لرغبة الرئيس مبارك في أن تكون العلاوة الاجتماعية 10 % بدلا من 5 % وذلك عند مناقشة مشروع الموازنة العامة للدولة.

أجبر الأمن الداعية البارز عمرو خالد على الرحيل من مصر، ومنعه من تصوير برامجه داخل البلاد، إثر خلافات ومناوشات بدأت قبل ٦ أشهر على خلفية مشروعه «إنسان»

أجبر الأمن الداعية البارز عمرو خالد على الرحيل من مصر، ومنعه من تصوير برامجه داخل البلاد، إثر خلافات ومناوشات بدأت قبل ٦ أشهر على خلفية مشروعه «إنسان» لمحاربة الفقر، ورفض الأمن لتصويره برنامج «المجددون»، وبلغت الأزمة ذروتها مؤخراً بمنع عرض الجزء الثانى من برنامجه «قصص القرآن» فى بعض الفضائيات المصرية.
وقالت مصادر مطلعة إن خالد رحل إلى لندن صباح أمس فى رحلة طويلة قد تمتد بين عامين وثلاثة أعوام، حيث سيعود بعد عدة أيام بعد ترتيب أوضاعه فى لندن لاصطحاب زوجته وأبنائه، على أن يزور مصر على فترات متباعدة ولأيام قليلة، للاطمئنان على والديه، دون أى ظهور إعلامى أو المشاركة فى أى أنشطة عامة.
وأضافت المصادر أن «عمرو خالد» يتكتم أنباء رحيله، مشيرة إلى أنه قام بتجميد مشروعاته فى مصر، وحجز مكاناً لابنه فى إحدى المدارس فى «لندن».
وقالت المصادر إن الخلاف بين خالد والأمن بدأ منذ ٦ أشهر، بسبب مشروعه لمحاربة الفقر «إنسان»، واصطدامه بمشروع تنمية ألف قرية فقيرة، الذى يرعاه جمال مبارك، أمين لجنة السياسات فى الحزب الوطنى،
وهو ما أدى إلى إلغاء المشروع فى مصر، ثم رفض الأمن برنامج «المجددون» الذى صور «عمرو» عدة حلقات منه فى لبنان الأسبوع الماضى، ويهدف إلى اختيار مجموعة من الدعاة الجدد.
وتفاقم الخلاف بسبب نية خالد عرض قصة «سيدنا موسى» فى الجزء الثانى من برنامجه «قصص الأنبياء» الذى يشير فيه إلى تحدى النبى موسى للفرعون، وطرحه موضوع القصة للنقاش حول الفكرة فى منتدى موقعه الإلكترونى، الذى جاءت معظم التعليقات فى سياق ربط قصة موسى بالواقع المصرى حالياً.
يذكر أن هذه هى المرة الثانية التى يتعرض فيها خالد للإبعاد من مصر، ويمنع من مزاولة نشاطاته الدعوية والإعلامية